Rhywälle Basel
Di Verein.

Usestuehle 2021 

Kei Bock me deheim z vergammle? Corona goht dir uf de Ruedernagel? Denn chumm au du jetzt an unser USESTUEHLE 2021!

Am 12 Juni gohts los. Bi uns gits Würscht vom Grill, Steaks, Salatbüffet, Drinks, Party, e Bar, Langschifffahrte, gueti Luune, Singles und no vieles mehr! Chumm vrbyy uns sag sali!

 

Gluschtig worde? Mehr Infos wölle? Jawohl verstande zur Sitte gohts grad do:

MIGROS - Support your Sport

D MIGROS - Support your Sport Aktion isch jetzt vrbyy. Insgesammt hännd ihr alli zämme 3'921 Guetschiin für unsere Verein iglöst. Us dene vielne Guetschiin het sich e Betrag vo knapp 600 Franke für unsere Verein ergäh (Usem 6 Millione Topf vo dr Migros). Mit däm Gäld wärde mr jetzt unseri Fahrusrüschtig erneuere.

Mir Danke nomol allne härzlig wo so flissig gsammelt hänn. 

Nodürlig dörfed ihr au no alli flissig wiiter spände:
https://supportyoursport.migros.ch/de/vereine/wfv-rhywaelle-basel/

MIGROS Challenges
#supportyoursportfoto - Challenge 1 Sieger

Mit unserem kreativen Ansatz, unser ganzes Team der Aktiven auf ein Foto zu bekommen, und das Corona Konform, haben wir voll ins Schwarze getroffen.

Wir können stolz verkünden, dass wir die Challenge der Woche 1 gewonnen haben.

Wir danken Celine Correncourt für ihren unermüdlichen Einsatz.

 

Was isch Wasserfahre?

Wasserfahren isch e traditions Sport, bi däm Kraft, Geschicklichkeit, Geschwindigkeit und Technik geforderet sin. Es goht drum e Parcour mögligscht schnell ab z fahre. Wichtig isch debi, dass me d Bojen, wo d Fahrstrecke markiere, ohni z berühre umfahrt. Flussufwärts wird mit m Stachel vorwärts gstosse, Fluss abwärts bedient me sich denn am Ruder. De Sport wird elei als Stüürmaa oder zu zweit mit Vorder- und Hintermaa usgüebt, debi gohts nid nur um s eigene Könne sondern au um d Koordination im Team.

Im Wasserfahrsport hänn mr im Johr 5 - 10 Wettfahre in dr ganze Schwiiz vrteilt. Als Wasserfahrer chunnsch aber nid nur umme und lernsch uf allne Gwässer z fahre sondern de lernsch au no super Lüt kenne, chasch so also au no dis eigene Netzwärk wiiter usbaue.

Wär sin mir?

Mir sin de Wasserfahrvrein Rhywälle Basel uns gits scho sit 1934 do z Basel, grad unterhalb vo dr Schwarzwaldbrugg. Bi uns chasch dä lessigi traditions Sport erläbe und fit bliibe, näbscht däm chasch bi uns Rümlichkeite für Aläss sowie au unser Langschiff für dini Events miete.

News

Migros #supportyoursportfoto
, Felix
  • GEWONNEN!
Endfahre 2020
, Felix
  • S Ändfahre isch e volle Erfolg gsi!
Erst Augustfeier 2020
, Celine
  • Alles in allem ein super Fescht!
Kraftwerkschleusung
, Felix
  • Au das Johr hänn mr uns durchs Kraftwärk schleuse lo um au im obere Ecke vom Rhy trainiere z könne.
Coronavorschriften
, Felix
  • Umsetzung und Information über neue Corona-Vorschriften und Regelungen für den Wasserfahrsport

Anstehende Termine

Usse Stuhle
Sa 12.06.2021 15:00-21:00
  • Ort
    Rhywälle
AWS Birsfelden Stausee-Cup
Sa 19.06.2021 -
So 20.06.2021
  • Ort
    Inseli Birsfelden
  • Teilnehmer
    Wettkämpfer
Bundesfeier am Rhein
Sa 31.07.2021 -
So 01.08.2021
  • Ort
    Rhywälle
SM WSC Bremgarten Einzel
Sa 28.08.2021 -
So 29.08.2021
  • Ort
    Bremgarten
  • Teilnehmer
    Wettkämpfer

Weitere Einträge

Training

Ob im Summer oder Winter, bim Weidlingfahre wirsch und bliibsch fit.
Jedi Wuche träffe mr uns zwei mol, grad unterhalb vo dr Schwarzwaldbrugg, zum gemeinsame gführte Training.

Das ganze findet jewiils am Ziischtig und Donnstig vo 1800 bis 2000. An allne andere Täg findet kei offizielles Training statt, was aber nid heisst dass me nid trotzdäm dörf cho trainiere oder e Freifahrt go mache. Zum praktische Fahre an sich wärde unseri Mitglieder au regelmässig in Knotekund unterrichted - was au im private vo Vorteil si cha. 

Wieso chunnsch nid au du mol uf e koschteloses Schnuppertraining vrbyy und wär weis viellicht bliibsch au du bi uns hänge?

Summertraining

  • Weidlingfahre
  • Schwümme (im Rhy)    

Wintertraining

  • Weidlingfahre
  • Konditions- und Krafttraining
  • Schwümme (im Schwümmbad)

Trainingsbestimmige

Alli Trainingsteilnähmer sin sich sälber um e entsprächendi Haftpflichtvrsicherig bemüeht.
S Training beginnt pünktlich und me chunnt entsprächend vrpflegt und Mental bereit.
Mir hänn zämme Spass! Witz sin erlaubt.
Bi unsichere Vrhältnis bzw zu hohem Wasserstand findet kei Training statt. 

E guete gsunde Tip, 
bliibt immer Fit.
Wends nid bisch, kaschs no wärde,
und zwar bi uns, do uff dr Ärde.
Möchtsch e mol kho iine luege?
no so gärn, mit Vergniege.
Mir zeige Dir wie das alles goht,
denn lersch wie me im Schiff in stoht.
Stachle und ruedere wirdsch praktiziere,
und das alles ohni Di z'strapaziere.
Also mach au Du bi uns mit,
Denn wirsch oder bliibsch Fit.

© by ReGo

Amäldeformular

Wenn de mol willsch go luege chasch di grad do ischriibe, denn nämme mr uns Ziit für di und zeige dir dä lessig Sport.

E Probetraining isch gratis, de hesch also nüd z vrliire.

Seisch uns am beschte an wellem Dag de vrbyy cho willsch und wie mr di chönne erreiche.
Persönlichi Agobe wie Vorname, Name und dini E-Mail sin in dere Ziit mit dere Pandemi bsunders wichtig.